ഗുവാഹാത്തിയിലെ സ്റ്റേഡിയത്തിലേക്ക് രണ്ടാം ഏകദിനത്തിനിറങ്ങുമ്പോള് ഇന്ത്യക്ക് പ്രതീക്ഷകളുടെ ഭാരമേറെയായിരുന്നു. പക്ഷെ, ഇന്ത്യന് ബൗളര്മാരെ അടിച്ചൊതുക്കിയാണ് വെസ്റ്റ് ഇന്ഡീസ് തുടക്കമിട്ടത്. 50 ഓവറില് ഏഴുവിക്കറ്റ് നഷ്ടത്തില് വിന്ഡീസ് 405 റണ്സെടുത്തു. മൂന്ന് സെഞ്ചുറികള് പിറന്ന വിന്ഡീസ് ബാറ്റിങ് ഇന്നിങ്സ് ക്രിക്കറ്റ് പ്രേമികള്ക്ക് വിരുന്നായി മാറി. ജോണ് കാംബെല് (101), ഷായ് ഹോപ് (104), അമിര് ജാങ്കൂ (114) എന്നിവരാണ് സെഞ്ചുറി നേടിയത്. 68 പന്തിലാണ് കാംബെലിന്റെ വെടിക്കെട്ട് സെഞ്ചുറി നേട്ടം അവസാനിച്ചത്.
ഇന്നിങ്സില് അഞ്ച് സിക്സും ഒമ്പത് ഫോറും ഉണ്ടായിരുന്നു. 94 പന്തില് മൂന്ന് സിക്സും എട്ട് സിക്സുകളുമായാണ് ഹോപ്പ് 104 റണ്സെടുത്തത്. 77 പന്തില് മൂന്ന് സിക്സും 13 ഫോറുകളുമാണ് അമിര് ജാങ്കൂയുടെ ഇന്നിങ്സിനെ മനോഹരമാക്കിയത്. 114 റണ്സിലെത്തിയ ജാങ്കൂവിന്റെ ഏകദിനത്തിലെ മികച്ച സ്കോറാണിത്.
ഇന്ത്യയുടെ ഗുര്നൂര് ബ്രാറും ആഖിബ് നബിയും രവീന്ദ്ര ജഡേജയും പ്രസിദ്ധ് കൃഷ്ണയും കുല്ദീപ് യാദവുമെല്ലാം വിന്ഡീസ് ബാറ്റിങ് ചൂടറിഞ്ഞു. ബ്രാറും ജഡേജയും കുല്ദീപും രണ്ടുവിക്കറ്റ് വീഴ്ത്തി.
content highlights: Massive Total Against India: Three Centuries Hit in a Single Innings